ലക്ഷണ പെരുമാൾ പാമ്പാടി രാജൻ

1975-ൽ കോടനാടു കുട്ടിൽ നിന്നും ലേലം ചെയ്യുന്ന അവസാനത്തെ ആന – അന്ന് പേരു് “ബാസ്റ്റിൻ “രണ്ടു വയസ് പ്രായം – കൊമ്പ് മുളച്ചുതുടങ്ങിയിട്ടില്ല – കോട്ടയം പാമ്പാടിയിലെ ബേബിച്ചായൻ ആണ് ഉടമസ്ഥൻ’ – അദ്ദേഹത്തിന്റെ മകന്റെ പ്രായം ആനക്കുട്ടിക്ക് – കുപ്പിപ്പാൽ കൊടുത്താണ് ആനക്കുട്ടിയെ വളർത്തിയത് –

പാമ്പാടിയിൽ എത്തി പേരുമാറി ” രാജൻ ” – ഇപ്പോൾ 40 വയസ്സ് പ്രായം 10 അടി 3 ഇഞ്ച് ഉയരം – വെള്ളയിൽ കറുപ്പു രാശി കലർന്ന 18 നഖങ്ങൾ – നഖങ്ങൾ’ …. ആനകൾക്കു് പല രീതിയിൽ കണ്ടുവരുന്നു -വെളുത്ത നഖങ്ങൾ – വെള്ളയിൽ കറുത്ത വരകൾള്ളവ – ചുവപ്പ രാശി കലർന്നവ- കറുത്ത നിറമുളവ – ഇങ്ങിനെ പല ഇനം – ഇതിൽ വെളുത്ത നഖങ്ങൾ ഉത്തമം – തേൻ നിറമാർന്ന കണ്ണകളാണ് രാജന്റെ – നല്ല വീതിയുള്ള പെരുമുഖം – മന്ദഗിരി പാകത്തിന് – വീണെടുത്ത കൊമ്പുകൾക്കു് അകലവുമുണ്ട്.- വലതിരയർച്ച – ( വലത്തെ കൊമ്പുയർന്നീടിൽഉടമസ്ഥനുത്തമം) ഉയർന്ന വായു കുഭം – ഉയർന്ന തലക്കുന്നി-വലിയചെവികളുടെ അറ്റം ചെറിയ തോതിൽ കീറിയിട്ടുണ്ട് – നല്ല മഴുത്ത നട യും അമരങ്ങളും. – തടിച്ച നിലത്തു് പലമടക്കുകളായിക്കിടക്കുന്ന ലക്ഷണമൊത്തതുമ്പി – നീണ്ട ഉടൽ – വളവോ ചെരിമോ ഇല്ലാത്ത തണ്ടെല്ല് – നീണ്ട വാലിൽ പീലി രോമങ്ങൾ – ശബ്ദം – “മേഘ ഗർജനം” – പാമ്പാടിയുടെ ഇണക്കം കാണിക്കുന്ന തുമ്പി നിലത്തടി ശബ്ദം തന്നെ പ്രശസ്തം -ചെവി അങ്കപ്പലകയിൽ മുട്ടുമ്പോഴാകട്ടെ മിഴാവു കൊട്ടുന്ന ശബ്ദമാണ് – ശാന്ത സ്വഭാവം – പന്നിക്കഴുത്താണ്ട് രാജന്റെ .-
ഒരു പൂരവും രാജൻ മൂലം കലക്കിയിട്ടില്ല – സീസണായാൽ തിരക്കോടു തിരക്കാണ് – ഏക്കത്തിനു നിശ്ചിത തുകയല്ല -ആ സമയത്തെ തീരുമാനത്തൽ നിശ്ചയിക്കും – ഒരു ലക്ഷത്തിനു മുകളിലൊക്കെ വരും ചില നേരം –

ആരെയും ഉപദ്രവിച്ച ചരിത്രമില്ല രാജന്റെ ജീവിതത്തൽ – ഒരു കാലത്തു് കൂട്ടാന ഭയം ഉണ്ടായി തുന്നു.- ഒരിയ്ക്കൽ തൃപ്രയാർ ഏകാദശിക്ക് മറ്റാനകൾക്കൊപ്പം തലേക്കെട്ടുകെട്ടാൻ ആനകൾ നിരന്നു – രാജന്റെ അടുത്തു നിന്നിരുന്ന തിരുവാണിക്കാവ് രാജഗോപാലിന്റെ തലേക്കെട്ടിന്റെചരടുവലിച്ചു മുറുക്കിയിരുന്നഅനിയൻനായരെ രാജനത്ര ബോധിച്ചില്ല – വട്ടം കയറി അനിയൻനായരെ ഒറ്റ പിടുത്തം -രാജഗോപാല് വിടുമോ – അവൻ രാജന്റെ മുഖമടക്കി ഒരു പിടുത്തം. രാജൻ ഒരു വിധത്തിൽ കുതറി ഓടി മാറി നിന്നു കിതച്ചു.മൂത്രമൊഴിക്കാനും മറന്നില്ല – പിന്നീടു് ചേന്ദമംഗലത്തു് ആറാട്ടു ശിവേലിക്കു് വരിവരിയായി കിഴക്കേ ആൽത്തറയിലേക്കു് ആനകൾ പുറപ്പെട്ടുന്നു – ഈ സമയം തൊട്ടുപുറകില് ഉണ്ടായിരുന്ന കൊച്ചമ്പലം ദേവസേനൻ – രാജനെ പുറകിൽ നിന്നും ഒന്നുത്തോണ്ടി – അത്രമായില്ല- കുറെ നാൾ ഈ ഭയം മൂലം എഴുന്നള്ളിപ്പു സമയം – രണ്ടു ഭാഗത്തേക്കും ഇടക്കിടെ ചാഞ്ഞു നോക്കുന്ന ഒരു സമ്പ്രദായം രാജനുണ്ടായിരുന്നു –
നല്ല ശുദ്ധമായ വെള്ളം തന്നെ വേണം -തോട്ടിലെ വെള്ളമൊന്നും അവൻ കുടിക്കില്ല -തീറ്റയും അങ്ങനെ തന്നെ – വാടീതോ ഉണങ്ങി തോ തൊടില്ല –

രാജനെക്കുറിച്ചു പറയുമ്പോൾ അവന്റെ ജീവിതവുമായി ബന്ധപ്പെട്ട രണ്ടു പേരെക്കുറിച്ച് ഓർക്കാതിരിക്കാനാവില്ല – ഒന്ന് ചെറായി മാരാമി റ്റത്തു് ബാലൻ മാഷു് – തടിമില്ലുകളിൽ പണിയാനയായി ജോലി ചെയ്തിരുന്ന രാജനെ പുരപ്പറമ്പുകളിലേക്കു് കൊണ്ടുവന്നത് അദ്ദേഹമാണ് – മറ്റൊരാളാണ് “സാജൻ ” – രാജന്റെ തലയെടുപ്പിന്റെ ആശാൻ സാജൻ ആണ് – 
അന്നക്കെ രാജൻ തലയെടുത്തു പിടിച്ചു നിൽക്കുന്ന കണ്ടാൽ മറ്റാനകൾ നാണിച്ചു പോകും = അത്ര ഗംഭീരം – സാജൻ ഇന്നില്ല – മറ്റൊരു ആനയാൽ കൊല്ലപ്പെട്ടു.- ‘ആദ്യം കുറെ നാൾ തൃശൂർ പൂരത്തിന് പാറമേൽക്കാവിൽ എത്തിയിരുന്നു.ഇപ്പോൾ ആ സമയം മദമ്പാടിന്റെ ലഹരിയിലായിരിക്കും രാജൻ  കേരളത്തിലെ എഴുന്നള്ളിപ്പാനകളിൽ നമ്പർ വൺ – ആനക്കേരളത്തിന്റെ എതിരില്ലാത്ത നായകൻ..ഗജരാജവീരചക്രവർത്തി.

Find us on :YouTube/WakeupMedia